AP: NGO-te'n Tenth India Rivers Week lawmman dawng

BAIF, Pune-a huaihawt, India Rivers Week ṭum 10-na chu nimin khan neih zawh niin, Arunachal Pradesh-a NGO pahnih, Bhanu Tatak leh Dibang Resistance te chu Arunachal Pradesh-a Dibang lui leh a chhehvel humhalhna kawnga an thawh ṭhat avangin hriat hlawh loa hnathawk ṭhate hnena pek ṭhin chawimawina; Bhagirath Prayas Samman (BPS) hlan an ni.

BPS chawimawina hian Dibang lui pawimawhna leh Dibang fintu lui dungte'n India-a ramngaw leh nungchate ṭhat em emna hmun an siam theihna chu a phochhuah thu sawiin, chawimawina hlanna hunah hian Dibang luia mega hydropower dam siam turin pawi a khawihte dona chu tarlan a ni. Chawimawina dawngtu pahnihin Brahmaputra lui fintu pawimawh tak, Dibang lui leh a chhehvel humhim tura hnamte an hruai khawm thei chu chhuanawm an tih thu tarlan a ni bawk.

Bhanu Tatak hnenah hian ramngaw tichhe zawnga hnathawhna awm turah langtlang zawka hnathawh a nih theihna tura hma an lak avangin chawimawina hi hlan an ni bawk. BPS hian citation leh shawl bakah pawisa fai Rs, 60,000/- a keng tel a ni.