Assam Goalpara district-ah Wangala festival hmang

Garo Cultural Forum leh Garo students' union te buatsaihin, ni hnih awh, 100 drums Wangla festival chu Assam-a Goalpara district-ah buatsaih a ni.

Chotipara khuaa festival buatsaihah hian Assam leh Meghalaya aṭangin chhimtu mi sang chuang an kal khawm.

Wangala festival-ah hian Garo Wangala dance troupes 10 te telin, Bongaigon, Boko leh Meghalaya aṭangtein mipui tam tak a hip a ni. Kut hman chhunga lam intihsiaknaah hian Dadenggre aṭanga Gondenggre Wangala troupe te chu pakhatna an ni. Garo cultural forum president, Desal Bimik R Marak chuan Garo culture chawi nun nana Assam-a Wangala festival an hmang chhunzawm thei chu lawmawm a tih thu sawiin, an kut hman chu ni pathian hnena an thlai thar puala an lawmna lantirna a nih thu a sawi.

Meghalaya education minister, Rakkam A Sangma chu chief guest niin Garo culture humhim pawimawhnate a sawi a, kut hi Wangala lam hmangin tihtawp a ni.