Manipur CM-in Meitei Mayek script-a ziah constitution bu tlangzarh

Manipur chief minister, N Biren Singh chuan Pathiannia Constitution day lawmnaah Manipuri ṭawng, Meitei Mayek thumal hmanga ziak, India constitution bu a tlangzarh. He constitution bu tlangzarh hi diglot edition niin, English nen dah kawp a ni.

Chief Minister chuan Manipuri ṭawnga India constitution bu siam a ni chu Manipur mipuite tana thil chhinchhiahtlak tak a nih thu sawiin, India constitution chu khawvela constitution sei ber leh khawvel ram dangte pawhin a huam zau avang te, a sawi tam avang leh hriatthiamna a tam avanga an awh ve thu a sawi. CM chuan diglot edition chuan constitutional amendment 105-na thleng a huam tel thu sawiin, an hmalakna avangin Law department leh thawktute zawng zawng chu fakin, lawmthu a hrilh bawk.

India constitution Meitei Mayek script-a lehlinna kawnga tha thawhtute zawng zawng hnenah CM chuan chawimawina thuziak a hlan a, India constitution preamble, Manipuri ṭawnga lehlin sawi rualna a kaihruai bawk a ni.