Assam : Eptu party-te'n CAA hman dodal

Union minister of state for home affairs, Ajay Mishra-a'n West Bengal-a Matua hnam zingah nakkum March thla ral hmaa CAA hmanna dan an peih hman tur thu leh, kalpui a nih vat tur thu a sawi hnuah Assam-a eptu party-te chuan an dodal thu leh, CAA hmang tura sorkar hmalakna awm apiang chu beih let en tum thu an sawi.

Assam-a eptu party hruaitute chuan Union Minister thusawi hi chhangin,"1985 Assam accord hmanga inkaihhruaina awm palzut thei tur, constitution kalh zawnga chetna awm reng reng chu Assam mipuite hian kan en liam mai dawn lo," tiin an sawi. Assam Assembly-a eptu party hruaitu, Debabrata Saikia chuan,"Congress chuan CAA hian Assam accord a kalh avangin kan dodal tlat a ni," tiin a sawi ve bawk. Assam Jatiya Parishad (AJP) chairman, Lurinjyoti Gogoi pawhin Assam mipuite chuan India danpui kalha siam CAA hman hi an duh lo a, Assam hi pawn lam aṭanga phur tirit tur lo lut turin a inpeih hek lo tiin a sawi ve bawk.