Nagaland: Hornbill festival-a state thawhpui atan Assam an thlang

Nagaland chief minister, Neiphiu Rio chuan Nagaland-in December 1 aṭanga ṭan tura Hornbill festival a neih turah, ram thawhpui tur atana Colombia, US leh, Germany an thlan thu a sawi hnuah, Thawhlehni khan hornbill festival-a state thawhpui tur atan Assam an thlan thu a sawi zui leh.

CM Rio hian he thu hi X-ah post-in,"Hornbill festival-a partner state atan Assam kan thlang tih hi lawm takin ka puang duh a ni. Assam state ropui tak aṭanga cultural leh music palai lo kal turte ka lo lawm lawk a che u. Assam nena kan thawh dunna tur hian state pahnihte inkar a tihṭhat leh zual ngei ka beisei a, Assam leh Nagaland mipuite inkara hman aṭanga inzawmna awm tawh pawh a tihngheh leh zual ka beisei bawk," tiin a tarlang.