Kohima-ah tui sem titawp lailawk

Kohima Public Health Engineering Department (PHED) chuan an tui khawlna hmuna ruang an chhar avangin Kohima town and science college area-ah tui sem an titawp. PHED executive engineer chuan water treatment plant-a tui endik phawt a ngaih avanga ni hnih chhung tui an sem rih loh tur thu a sawi.

Kohima town khawthlang lam, Jotsoma-a Kohima science college bula tui khawlna hmunah ruang hi chhar a ni a, police-te chuan ruang an chhar chu rilru kim chiah lo, sorkar hnathawk niin an sawi. Tualthahna nia an hriat loh thu leh thi hi tui khawlnaa amaha lawn liam a nih an rin thu an sawi bawk. Police te chuan ruang an chhar hi an in aṭanga ni 5 vel bo tawh niin an sawi a, mahse, in chhuahsan a, a duh huna a haw leh mai ṭhin avangin a chhungte hian a bo thu hi an report lo a ni, an ti. Thih dan pangngaia thi ni lo mah se thuneitute chuan thubuai an ziak lut lo a, post-mortem pawh ti loin ruang hi a chhungte hnenah an hlan nghal a ni.