Assam : APSC eirukna kaihhnawihah APS 11 leh ACS 4 ban

Assam sorkar chuan Assam Public Service Commission (APSC) hnuaia hna lak, Combined competitive examination 2013-2014-a thamna sum hmanga hna inpek chungchang, eirukna kaihhnawihah Assam Police Service 11 leh Assam Civil Service mi pali te ban an nih thu a puang. Heti hian APSC hnuaia hna inpek kaihhnawihah hian mi 15 ban an ni tawh a ni.

Assam sorkar hian APSC hnuaia hna laka pawisa hmang hna inpek chungchang chhui tur hian Special Investigation Team (SIT) a din a, SIT hian sorkar hnenah hian an thil chhui a awlsam zawk nan leh harsatna a awm lohna turin heng officer-te hi ban turin an ngen a, hna chhui a felfai zawk nan Assam sorkar hian APS leh ACS mi 15 te hi a ban zui ta a ni.

APSC hna lak chungchanga induhsakna awm nia hriat chhui zui hna hi state sorkarin ngawrh leh zuala a beih hnuah officer 15 te hi Assam Services (Discipline & Appeal) rules, 1964, rule 6(1) hmanga ban an ni.