Ukhrul PNB aṭangin Rs vbc 18.85 ru chhuak

2nd December, 2023

Manipur-a Ukhrul district-a Punjab National Bank (PNB) aṭangin Ningani tlai khan mi tu tih hriat loh, ralthuamte kengten Rs vbc 18.85 an ru chhuak.

Bank hi Ukrul khaw laili lai, Viewland-a awm a ni. Report ṭhenkhat chuan Ningani tlai dar 5:30 vel khan hmaituam mi 10 vel chuan silai nen bank hi an luhchilh a, staff 10 awmte chu an kut phuar sakin, bank-a pawisa awmte chu a ru chhuak a, an tlanbo zui nghal niin an tarlang.

He thil thleng hi police-te hriattir a nih hnuah, Ukrul police team an kal nghal a, rukrute hi zawn mek an ni.