Miss Hornbill International 2023-ah Rachel Jyrwa thlang

Nagaland-a ni 10 awh, Hornbill Festival neih mek event pakhat, Miss Hornbill International thlanna chu neih zawh a ni a, Meghalaya state aṭanga kal, Rachel Rimeiaka Jyrwa chu Miss Hornbill International 2023-ah thlan a ni.

Rachel Rimeiaka Jyrwa hi Mawlai, Shillong-a cheng niin Synod College, Shillong-a BA (English) zir lai a ni. Lawmmanah hian Rs nuai 2 a dawng a, subtitle hrang hranga a chet ṭhat avangin Rs 30,000 a dawng tel bawk. Vogue Nagaland nen kum khat awh contract an siam bawk ang.

Miss Hornbill International 2023 thlannaah hian pahnihna chu Arunachal Pradesh mi, Mossang Tanusa Gogoi niin, pathumna chu Nagaland state mi Vezotolu Shijoh a ni.

Hornbill Festival hi December 1 aṭang khan neih ṭan niin, December 10 thleng a awh ang. Festival ṭan ni hian chhimtu mi 16,446 awmin, an zingah hian international tourist 353, domestic tourist 4,108 leh local tourist 11,985 an awm.

Pathianni khan Arunachal Pradesh chief minister Pema Khandu chuan festival neihna hmun, Naga Heritage Village Kisama a tlawh a, Naga Chef stall-ah a chawl. Chief Minister hi a minister Jacob Zhimoni, advisor Hekan Jakhalu leh official dangte'n an ṭawiawm. Nagaland hornbill festival hian hriat a hlawh chho tawh hle a, ramchhung mai ni lo ram pawn aṭanga chhimtu pawh kum tin an pung chho zel a ni.