Nagaland LED Light village hmasa ber Fakim

Nagaland thingtlang khaw pakhat Kiphire District-a Fakim khua chu 'LED Light village' hmasa ber atan a puan a ni.  Fakim khua hi Indo-Myanmar border-a awm a ni a, tlangram chhengchhe taka awm a ni. He khua hi biodiversity-ah a hausa hle a, kawngpui leh  eng tha tak a awm a ni.

Environment Depart-ment, Forest and Cli-mate Change, District Administration leh State Power Department te ṭangkawp chuan eco- friendly hmanrua LED bulb te, Solar lamp te hmang uar turin hma a la mek a ni. Thingtlang khua a chengte chuan an bulb hman lai watt 100 chu Deputy Commissioner hnenah an pe lut a, watt 15 LED bulb chu pek let an ni thung. Hei hi power renchemna atana hmalakna a ni.

LED light village din tur hian Nagaland sorkar chuan hma a la reng a ni. Village Council chuan tungsten light hman a khap a, LED bulb leh solar lamp chiah hman phal a ni. Hei hian electrict power ina chhit chu 90% zetin  a tihniam niin an sawi. Nagaland-ah sian solar lamp 7000 chuang sem a ni tawh a, sem chhun-zawm zel a ni bawk.