Education scam: Nagaland Governor-in chhui chian phut

Nagaland Governor PB Acharya chuan Education department chungchanga buaina awm mek chu chhui chian vat a ṭul thu leh thil dik lo titute lakah hremna pek ngei a ṭul thu a sawi.

"Mid-Day Meal chungchanga buaina awm local news-a tarlan a ni chuan min ṭhawng hle a, mawhphurtu zawnga hrem ngei turin hmalak a ngai a ni", tiin Acharya chuan a sawi.

Mid-Day Meal bakah hian Hindi teacher te chuan hlawh an la mumal lo hle niin tarlan a ni a, Peren district-a zirtirtu dah danah thil fel lo a awm ngei niin a lang bawk. Contractor-te chuan school building enge maw zat an sak mek chu bill an lak theih loh avangin an chawlhsan mek a, Sarva Shiksha Abhiyan (SSA) hnuaia sum te chu dik lo taka hman niin an sawi. Heng zawng zawng hi Governor chuan chhuichian a
ṭul thu leh, Education department buaichuar lutuk chu siamthat a
ṭul thu a sawi.

Governor PB Acharya hian Chief Minister leh Education Minister te chu hma la thuai turin a hriattir tawh bawk.