TDDC ten nawrh huaihawt

Manipur-a Tong-jeimarin District Demand Committee (TDDC) chuan March 28 zan, zanlai aṭang khan darkar 24 awh nawrh an huaihawt.

TDDC te hian district an ngiat mek chu Manipur sorkarin a tihhlawhtlin sak mai loh avangin nawrh hi an huaihawt ta a ni.

Nawrh huaihawt hian mipui nunphung a tibuai hle a, lirthei che ve hmuh tur a awm loh bakah dawr leh office te khar a ni. Nawrh hian National Highway No. 37, Kethelmandbi to Ijei Bridge Noney leh Highway, Khongsang to Gularthol Police station te a huam.Tongjeimarin kawngpui, Chinikon leh Reangpang inkalpawhna chu a nghawng te zingah hian a tel a, helai vela hnathawk te pawhin an hnathawh an chawlhsan a ni. Medical duty, zirlai exam mek,tuisem, innei leh kohhran thil tih te a huam lo thung.

TDDC te hian Tam-englong, Senapati, Imphal East leh Chrachandpur District huam chhung atanga district thar din an ngiat a ni.