Meghalaya aiengin GI tag dawng

Meghalaya agriculture minister, Ampareen Lyngdoh chuan an state aieng ṭha tak, Lakadong turmeric chuan Geographical Indication (GI) tag a dawng tih a puang. Lakadong aieng bakah hian an hnam khawih thil - Garo Dakmanda; Garo hmeichhiate'n inthuam nana an hman te; buhfai um aṭanga siam, Garo hnamin kut an hmana an in ṭhin Chubitchi leh Larnai khuaa lei dum an tih aṭanga siam Larnai pottery te chuan GI tag hi an hmu ve bawk niin Minister chuan a sawi.

Lakadong aieng ṭhat bikna nia an sawi ṭhin chu 6.8 - 7.5 percent curcumin a awm vang a ni a, Jaintia hills-a Lakadong velah an ṭha duh bik a ni. Lyngdoh chuan GI tag dawn chu thil leitute'n a dik tak chauh an lei theihna atan leh thawn chhuahna lama hmasawnpui theihna kawng hawngtu a nih thu a sawi bawk. Lakadong aṭanga kum 2001-a Padmi Shri dawngtu loneitu pakhat chuan Lakadong aieng a lo lar a, khawvel hriata vawrh chhuah a nih theihna kawngah chief minister Conrad K. Sangma chu chhuanawm a tih thu a sawi.