Meghalaya-ah solar fence tlangzarh

Meghalaya-a West Garo hills district huamchhunga Borogopal khuaah sai sual chet velna dang turin km 1 leh a chanvea thui, ni zung chakna ringa nung wire tlar khat hmang hungna, fence chu hman theih tura tlangzarh a ni.

Solar fence hi British Asian Trust, UK-a mi, Belenda Stuwart Cox chuan tlangzarhna hun hmangin, he hunah hian Meghalaya forest department aiawh te, Pondicherry-a British Asian Trust Auro Saswat te, Aaranyak conservation scientist, Dr. Bibhutu Prasad Lahkar leh ramhnuai lama nungchate zir chianna nei ṭhin, Alolika Sinha te an tel.

Solar fence tlangzarhna hun hi Borogobal khaw mite bakah, Borogobal Solar Fence Management Committee leh Aaranyak biodiversity conservation organisation te buatsaih a ni a, mi 70 vel tlangzarhna hunah hian an tel a ni. Fence hi Aaranyak leh Birtish Asian Trust te bul tuma siam niin, Darwin Initiative te chuan hma an lakpui bawk a ni. Tlangzarh a nih hnu hian fence enkawl leh neitu nihna hi Memorandum of Understanding (MoU) ziakin, khaw mite leh fence committee te kutah hlan zui a ni bawk.

Borogobal khaw mite chuan sai sual lo lut tur dan nana solar fence dah a ni chu lawmawm an tih thu sawiin, an in leh lo leh an thil neihte bakah, khaw chhung mite nunna pawhin a him phah tawh dawn a ni, an ti.