Assam : Ram lehkha lem siam chungchang chhui turin SIT din dawn

Assam khawpui, Guwahati-a ram neihna lehkha lem siam eng emaw zat hmuh chhuah a nih hnuah, Assam sorkar chuan ram leh a kaihhnawih record-a thubuai awm leh lehkha lem chungchangte chhui chiang turin Special Investigation Team (SIT) an din tur thu a puang.

Guwahati-a ram lehkha lem kaihhnawihah hian mi paruk man an ni tawh a, an zingah hian dan hre mi leh sorkar hnathawk te pawh an tel a ni. Ram neihna lehkha lem man chungchangah hian chief minister Himanta Biswa Sarma pawhin Kamrup-a district commissioner office a tlawh tawh bawk.

Chief Minister chuan ram tam tak lei ṭhintute leh broker te inkara inzawmna awm chu tihtawp a ngai, sorkar official ṭhenkhatte nen thawkin a neitu dik tak hnen aṭangin ram an chhuhsak mai ṭhin a ni tiin, sorkar chuan mawhphurhnaah lain, a siam ṭha tura theihtawp a chhuah tur thu a sawi. CM chuan district commissioner leh circle officer te chu ram lehkha lem siam chungchang chu chingfel vat tur leh titawp vat turin a hriattir bawk a ni.