Brahmaputra Valley film festival vawi 8-na hmang dawn

Brahmaputa Valley Film Festival (BVFF) vawi 8-na chu December 14-17 chhung hian Guwahati-ah hman a nih tur thu thuneitute chuan an puang. He film festival bul ṭantu, Tanushree Hazarika chuan,"BVFF hi thinlung khawihtu leh ngaihtuahna tithartu a ni. Ennawm awmze nei zawk leh thiamna hrang hrang pawh khawm a, hnam timawitu thilte chawi kan leh India hmarchhak mawina tihlarte hi kan tum a ni," a ti.

Hazarika chuan,"India hmarchhak hi film siamna hmunpui a lo nih theihna tur hi kan hmathlir neih lian ber a ni a, chu chuan khawvel huapa film siam kawnga tel ve kan nihna leh kan dinhmun danglam tak hi a pho chhuak dawn a ni," tiin a sawi bawk. BVFF hi Amazon Prime Video nen thawk dunin, film siamtute tan an platform-ah hian an hnathawhte pho chhuahna remchang siamsak an ni ṭhin a ni. Film festival buatsaihtute chuan Amazon Prime video nena an thawh dunna chuan remchanna leh hun ṭha a siamsak theih tur thu sawiin, mahnia film siamte tan pawh kawng thui tak a hawnsak thu te, film siamna kawnga hmasawnna a thlen theih tur thute an sawi bawk.

Kumin BVFF atan hian film theh luh 200 chuang a awm a, heng zinga 120 te hi India hmarchhak state hrang hrangte siam a ni.