Modi-an thutiam tihlawhtling lo : Rahul

Congress vice president Rahul Gandhi chuan Thawh-lehni khan Assam a tlawh a, vantlang inkhawmah thusawi-in, Prime Minister Narandra Modi chu kum 2014 Lok Sabha campaign laia a thutiamte tihlawhtling lo niin a puh.

Karbi Anglong Sports Association Stadium, Diphu town-a thu a sawinaah Rahul chuan, Modi chu Assam state tana a thiltiam te tih hlawh-tlin sak loah a puh a, Diphu legislative assembly constituen-cy-a ding tur Congress candi-date Bidyasing Engleng chu vote turin mipuite a sawm bawk.

Rahul chuan, mipuite chu Congress thlawp tlat tur leh BJP hnawl turin a fuih a, Prime Minister chu a thutiam a tihhlawhtlin loh chhan zawt ngam turin a fuih bawk. Parlia-ment-ah pawh amah ngeiin PM Modi chu engvanga a thutiamte tihlawhtling lo nge a nih a zawt tih a sawi a, chhan ngaihna a hrelo a ni, a ti. Rahul hian sorkarna an siam leh thei a nih chuan ṭhalai nuai 10 tan hna siam sak a tiam a, sorkar hnaruak te chu hnawh khah a nih tur thu te, zirtirtu lak belh a nih tur thu te, mipuite eitur buhfai ṭhahnem tak kg khat cheng hniha lei theih a nih tur thu te, thlai thar vawn thatna tur cold storage siam te, kut hnathawktute tan a hrana Bank siam sak te leh mirethei te tan chenna tur in ruahman sak te chu an ngaihpawihmawh tur te a nih thu a sawi a ni.

Congress vice-president Rahul Gandhi hian Thawhlehni atang khan Assam-ah hian campaign a ṭan a, Karbi Ang-long, Karimganj leh Cachar district-ah te party rall-ah thu a sawi ang.

Assam Chief Minister Tarun Gogoi pawhin BJP ten Congress sorkar nasa taka an beihna chu chhangletin, sorkarna kum 15 an chan chhungin hmasawnna chu hmu theiha a ṭhan thu a auchhuahpui ve bawk.