Tribunal-in NSCN (K) hrem

Sorkar laipuiin a din, dan loa chete hremtu leh chhuitu Unlawful Activities (Prevention) Tribunal chuan Nagal helpawl, Nationalist Socia-list Council of Nagaland (NSCN(K)) chu dan loa din leh unlawful association under sub-section (1) of Section 3 bawhchhia nia puhin Unlawful Activities (Prevention) Act, 1967 hmangin kum nga chhung a hrem.

Home ministry chuan kum 2015 September 16 khan NSCN (K) chu dan loa din a nih thu a lo puang tawh a, nikum May thla-a Assam Rifles lambuntu te an nih thu a puang a ni. Kha thil thlengah khan sipai pariatin nunna an chan nghe nghe a ni. National Investigation Agency chuan NSCN(K) te chetdan hi a thlithlai reng a, NSCN (K) te hian Nagaland leh hmun dang dangah chet an la tih hriat a nih bakah Nagaland chu India tanga lakhran tum niin an sawi a ni. Tribunal chuan NSCN (K) hianM yanmar-ah camp an nei niin an sawi a, BSF, CRPF te chu vawi tam tak an bei tawh tih an sawi.