Agartala-Kumarghat relkawng peih fel

Tripura khawpui Agartala leh Kumarghat inkara rel kawng lian chi siam mek chu reilote-ah rel service theih tura peihfel a ni dawn. Commissioner of Railway Safety (CRS) SK Pathak chuan km 109-a thui rel kawng lian chi chu endik a nih tawh thu leh, rel tlan tir turin harsanna lian tham a awm loh thu a sawi.

Agartala railway station hi India rama rel station ṭha ber pahnihna tur a ni dawn a, Jammu and Kashmir-a Katra rel station chu a siamdan leh, hnathawh danah te a ṭha bera ngaih a ni. Uluk taka endik a nih hnuah rel chu Agartala - Kumarghat inkarah hian darkar khata km 100-a chakin a tlan thei dawn a ni.

SK Pathak chuan fimkhur thuhla-ah tunnel II-ah harsatna chhe te a awm thu a sawi a, hei pawh hi Northeast Frontier Railway thuneihna hmanga siam ṭhat a nih leh tawh thu a sawi. He rel kawngah hian Signal System hman a ni dawn a, thla khat liam hnuah chuan rel tlan tir theih a ni ang.