AASU-te'n black day hmang

All Assam Students Union (AASU) chuan hmarchhak state dangte rualin kum 2019-a Parliament-in Citizenship Amendment Act (CAA) a pawm aṭanga kum lina pualin,CAA dodalna lantir nan nimin khan black day an hmang. AASU hian black day hi Guwahati-a Swahid Bhawan-ah an hmang a, he hun an hman rual hian CAA an dodalna an lantir nghal bawk.

Black day hi North East Students' Organisation (NESO) te buatsaih niin, hmarchhak state zawng zawngte chuan an zawm a, NESO chuan CAA chu ram leilung fate laka dik lo taka rorelna tiin an sawi a ni. CAA hi central-a rorel lai, BJP chuan hman vat a nih an beisei thu an sawi a, hetih lai hian pawl hrang hrang leh eptu party-te chuan CAA hman hi an dodal thung a ni.