Manipur sorkarin police officer chawimawina pek lakir leh
Manipur sorkar chuan Imphal East police station-a sub-inspector Behisahmayun Debson Singh hnena a hnathawh ṭhat avanga chawimawina, the Chief Minister’s Police Medal for Gallantry 2020 a hlan chu
a lakkir sak leh nghal.
Mahse All Manipur Students’ Union (AMSU) chuan sorkarin chawimawina a hlan police officer hi kum 2013-a ruihhlo cheng vaibelchhe thum chuang hu tawlhruknaah inhnamhnawih leh man pawh lo tawk tawh nia an sawi hnuah chawimawina pek hi lakkir sak leh nghal a ni.
Joint secretary (home) Rehanuddin Choudhury chuan thuchhuah siamin, sub-inspector Bheishamayum Debson Singh hnena chawimawina pek chu sût leh nghal a nih thu leh, drug case a neih mek a zep avangin a hna aṭangin suspend a ni tih a sawi bawk. Ruihhlo tawlhruk chungchang thubuai chhuinaah Beihsamayun hi a inhnamhnawih ngei nia hmuh a nih thu a tarlang bawk. Kum 2013-a ruihhlo tawlhruk thubuaiah hian Manipur police 11 chu man an lo ni tawh bawk.
AMSU chuan ruihhlo tawlhruk chungchangah hian ND&PS Act hnuaiah leh 27 Arms Act hnauiah police 11-te chu thubuai siamsak an ni, a ti. Chief minister N Biren Singh kaihhruai sorkarin thil dik lo tihnaa inhnamhnawiha zinga mi police hnena chawimawina a hlan hi an hriatthiam theih loh thu an sawi bawk.
State sorkar chuan sub-inspector Behisahmayun Debson Singh chungchang thuneitute hnena an hriattir avangin AMSU chungah lawmthu a sawi thung.