Sikkim-in education reform commission din dawn

Sikkim chief minister Prem Singh Tamang chuan National Education Policy (NEP) zulzuia an state chhunga zirna policy ṭha siam turin education reform commission din a ni dawn tih a sawi.

Chief Minister chuan sorkar laipuiin zirna kalphung thar tur, NEP a siam chu ṭha a tih thu sawiin, school leh higher education sector-te tana hmathlir ṭha zawk leh kalphung ṭha zawk tur a ni, a ti. State sorkar pawhin NEP 2020 zulzui hian policy a duang dawn a, hemi atan hian Sikkim Education Reform Commission din a nih tur thu a puang. CM chuan district tinah model school pakhat ṭheuh siam tum a ni tih a sawi bawk.