Assam-in Bangalore-a biotech hub inremna ziahpui

Assam sorkara Medical Education and Research department chuan Bangalore-a biotech hub an tih, C-CAMP te nen Assam-a khawtlang hriselna dinhmun ṭha zawk neih a nih theih nan leh health system changtlung zawk siam a nih theih nan Memorandum of Understanding (MoU) an ziak. Inremna hmang hian khawl ṭha zawk lak luh te, hmunhma neih sa tihchangtlun leh healthcare-a thawkte theihna tihsan te tum a ni.

MoU hi Guwahati-ah ziah niin, C-CAMP director leh CEO, Dr. Taslimarif Saiyed leh Siddarth Singh te leh Assam sorkar aiawhin Medical Education and Research Department commissioner leh secretary-te chuan inremna hi an ziak a ni. MoU ziahnaah hian health minister, Keshab Mahanta chu a tel bawk.

Mahanta chuan,"Covid lai aṭang tawh khan C-CAMP hian hriselna leh inenkawlna kawng changtlung zawk neih theih nan hian min pui nasa tawh em em a ni. He inremna hmang hian Assam sorkar leh C-CAMP te chuan thawhhona ṭha tak kan neih sa kan tinghet zual dawn a, health sector-ah hma kan sawn ngei pawh ka beisei," a ti.

C-CAMP hian ram chhung leh khawvel ram dangte hnen aṭangin sum faia ṭanpuina hmangin Assam-ah hian healthcare programme pawimawh tak tak pathum an lo kalpui tawh a, nu nau pai, naupang hriselna chungchang leh damdawi in tihchangtlunte chu an ngaipawimawh zual a ni. Hei bakah hian Nagaon district-a Uluoni CHC-ah oxygen-support khum 54 an lo bun tawh bawk.