Tripura-a Nausen thih dan chhui chiang dawn

Tripura-ah nausen ni thum leka upa chu Covid-19 test neih sak tura a sample laksak a nih hnuah a thi a, a thih dan hi chhui chiang turin state sorkar chuan thupek a tichhuak nghal. 

Nausen nu hi Covid-19 positive niin, Agaratala Govern­ment Medical College Hospital-ah naute hi a nei a, doctor-te chuan naute hi test ve turin a sample an la a, sample lakna atana a hnar chhung an hawlh sak hnuah a hnar hi nasa takin a thi zui a, a hnu lawkah a thi ta a ni. 

Tripura health services direc­tor Subhashish Debbarma chuan naute thih dan chhui chiang tur hian member pathum awmna team din a nih thu a sawi. Hemi rual hian swab sample laksak a nih avanga thi a ni kher lo thei tih additional chief secretary SK Rakesh chuan a sawi a, a autopsy report an nghah thu a sawi.