AP-ah silai leh puakthei thil dang man
Arunachal Pradesh-a Changlang district-a Miao Bum Reserve Forest-ah security force-ten Nilaini khan silai leh a mu bakah puakthei thil dang eng emaw zat an man.
Indian Army leh Arunachal Pradesh police-te chuan intelligence agency lam aṭangin ramhnuaiah Nationalist Socialist Council of Nagalim (Isaak-Muivah) hel an awm thu an dawn bawhzuiin joint operation an nei a, ralthuam an thuhruk eng emaw zat hi an hmuchhuak ta ni. Official thuchhuah chuan hel pawl ralthuam thuhruk man zingah hian AK-56 rifle leh magazine pathum, silai mu 115, .22 pistol leh magazine bakah a mu pathum, bareel grenade launcher, hand grenade leh puakthei thil dang te a tel tih a sawi.