Manipur : Kuki-Zo tribal thite ruang an khuaah helicopter-in thlen

Manipur tualchhung buaina chhuak avanga Kuki-Zo hnam thite ruang, Imphal-a ruang dahnaa awm mek 60 te chu Ningani khan anmahni khuaah helicopter hmanga phurh thlen a ni.

Joint Philanthropic Organisation (JPO) chuan ruang phurh thlen ni hian, an hnampui thite zahna leh chawimawina lantirna atan dawr leh sumdawnna hmunte pawh inkhar vek turin an ngen .

Ruang 19 helicopter hmanga phurhte hi Kangpokpi district-a Motbung LS ground thleng tawhin, district police-te chuan mitthi chhungte hnena hlan turin COTU kutah an dah a ni. Kangpokpi-ah hian Phaijang khuaah a hlawma inphumna tur buatsaih niin, vawiin hian a huhoa mitthite sunna hun hman a ni ang. Hetih lai hian ruang dang 41 te phumna tur, Churachandpur district chhunga mi chu ruahman fel a la ni lo thung. He thu buatsaih lai thleng hian Churachandpur district-ah hian ruang 29 a thleng tawh a ni.