Assam-in tribal ṭawngin zirlaibu buatsaih

Assam sorkar chuan state education minister, Ranoj Pegu kaihhruaina hnuaiah tribal ṭawnga zirlaibu an buatsaih thu a puang. Zirlaibute hi session thar aṭanga hman ṭan tur a ni.

Tribal ṭawnga zirlaibu an buatsaih zingah hian Mising, Deuri, Dimasa, Tiwa leh a dangte an tel.

Zirlaibu buatsaih hna hi State Council of Educational Research and Training (SCERT) chuan thawkin hei hi New Education Policy (NEP), 2020-in, primary school zirlaite'n English leh an chhehvel ṭawng hmanga lehkha an zir hmaa an pianpui ṭawnga lehkha an zir theihna tura duan anga kalpui an nih thu an tarlang. Education depatment chuan Mising, Rabha, Tiwa, Deuri, Karbi, Dimasa, Hmar, leh Garo hnamte aiawh nena sawihona an neih thu an tarlang bawk.

Sorkar laipui hian state sorkarin NCERT zirlaibu an rin theih thu leh, National Curriculum Framework for School Education anga anmahni puala zirlaibu an buatsaih theih thu hi a lo puang tawh a ni. Minister of state for education Annpurna Devi chuan NEP chu hman ngei ngei tur inkaihhruaina a ni lo a, India rama thuneihna insemna hmanrua, zirna in pawha kalpui a nih lantirna a ni tiin, zirna ina tribal ṭawng seng luh a nih avangin Assam sorkar chu a fak thu a sawi.