Nagaland : Zirlaite'n Krismas hmaa scholarship dawn phût

Nagaland-a college zirlai pawl, All Nagaland College Students' Union (ANSCU) chuan kum 2022-2023 chhunga Nagaland Scheduled Tribe (ST) zirlai tana Centrally Sponsored Scheme – Post Matric Scholarship (CSS-PMS) 2nd instalment la tang mek chu pek chhuah vat an phût tih an tarlang.

Zirlai pawl hian state sorkar leh a changtu minister hnenah scholarship chungchanga an harsatna tawh chu thlenin, a rang lama buaipui turin a ngen. Kum 2022-2023 atana arrear leh kum 2023-2024 atana first instalment Rs. vbc 26.25 pe chhuak turin an phût a ni.

"Pawisa la chhuak leh sem tura phalna lak buaithlakzia kan hria a, mahse, CSS-PMS hnuaia ST tana scholarshiip buatsaih hi a semtu tur department hian a rang lama pawisa an tihfel theih loh pawhin pawisa kawl sa aṭang tala December 22 hmaa zirlaite hnena sem chhuak turin kan phût a ni. Chhuanlam lem tak tak leh, tihkhawtlaina hmanrua zawng kual lo hian, zirlaite manganna an hriatthiam hi a hun a ni," tiin an tarlang. ANCSU chuan an beisei huna shcolarshoip an dawng lo a nih chuan an tana awmze nei thei tur bera nawrh huaihawt chhunzawm an tum thu an sawi bawk.