Assam Rifles-in helpawl rukbo Naga mi 2 chhanchhuak

Nagaland-a Assam Rifles sipaite chuan NSCN(K) helpawlin Naga civil mi pahnih an rukbote chu an chhan chhuak.

Mi pahnih Atua Konyak leh Tingkon Konyak-te hi December 15 zan khan Mon district-a Yannyu khuaah Myanmar-a inkhuar, NSCN-K (Ang Mai) group mi leh sate chuan silaia tinin an hruai chhuak a, Myanmar lama an camp panpui an tum nia hriat a ni. Mahse Assam Rifles, Mon Battalion chuan he thil thleng hi an hriat veleh an chhui zui nghal a, helho hi Indo-Myanmar border bul, Wetting khaw ramhnuaiah an umpha a ni.

Sipaite hian helho hi inpe turin an hrilh hmasa a, mahse inpe duh loin silai an hmetpuak a, an tlan­chhe zui niin an sawi. An mi man pahnihte bakah an silai leh silai mute an tlanchhiatsan a ni.

An ralthuam tlan­chhiatsan zingah hian M-16 Rifle pakhat pistol pathum a tel. Sipate hian helhoin guide atana an hman, civil mi pakhat an man bawk. Assam Rifles sipaite chuan an mi chhanchhuahte hi an khaw lamah him takin an hruai kir a ni.