Northeast Health Festival 2023 huaihawt dawn

Health Fest 2023 buatsaihtu, RedLemon Technologies Pvt Ltd chuan Indian Army, AIIMS Guwahati leh FIT India thawhpuiin, December 22 hian Guwahati-ah Northeast Health Festival an huaihawt dawn.

He festival-ah hian thupui atan “Early Detection of Cancer, Awareness and Holistic Health” tih hman a ni ang.

November 25-26 khan Heatlh Fest hi neih a ni lo tawh a, Health zone-ah activity hrang hrang neih a nih bakah, Manipur-a relief camp-a khawsa mekte thawmhnaw mamawh lakkhawm runpui te, Downtown Hospital-ah man tlawm zawka health check-up leh, Emerge Diagnostic-ah pumpui leh hnute cancer checkna a thlawna kalpui bakah, Guwahati-ah cricket tournament-te buatsaih a ni. Hemi ṭuma activity-te chhunzawm zelin, Northeast Health Festivial neih turah pawh hian cancer veite a rang thei anga bera hriatchhuah hma leh, health fitness leh wellbeing chungchang chu an thlur bing dawn a ni. Sorkar official, health professional, film star, infiammi, entrepreneur, startups leh zirlaite pawhin an ngaih pawimawh hle rin a ni.