Assam leh Nagaland CM-ten Amit Shah an hmu

Assam chief minister Himanta Biswa Sarma leh Nagaland chief minister Neiphiu Rio-te chuan Thawhṭanni khan New Delhi-a Parliamkent House-ah union home minister Amit Shah an hmu.

State pahnih Chief Minister-te hian state ramri buaina leh chinfel a nih theih dan tur te, an state tana thil pawimawh hrang hrangte Union Minister hi an sawipui. A hnuah X-ah Amit Shah an kawm chungchang hi an tarlang zui ve ve bawk.

Nagaland CM Neiphiu Rio chuan hmarchhak pumpui leh, a bikin an state Nagaland-a hmasawnna leh boruak muanawm a awm theihna atana Home Minister hmalaknaah a lawm hle tih a sawi lang.

Assam sorkar hian a ṭhenawm state-te nena rarmi buaina an neih mekte chu chinfel dan ngaihtuahin hma a la chho mek a, Meghalaya leh Arunachal Pradesh sorkar pawh inremna a lo ziahpui tawh a ni.