Meghalaya-in Mawmluh Cement Plant titawp dawn

Meghalaya sorkar chuan high-quality cement siamchhuak ṭhin, Mawmluh Cherra Cement Limited (MCCL) plant chu a titawp tawh dawn.

State sorkar chuan plant khar hma hian stakeholder leh thawktute a sawipui hmasa a, anni pawh hian project chhunzawm tawh lo a, voluntary retirement scheme hman an duh tawk zawk avangin project hi tihtawp a ni dawn ta tih chief minister Conrad Sangma chuan a sawi.

Chief Minister chuan MCCL project atan hian sorkar chuan kum 15 chhungin Rs vbc 300 chuang a invest tih a sawi. "MCCL tuaithar leh hi kan theihtawp chuan kan tum a, mahse tuna kan dinhmun thlirin, mipui leh thawktuten an tuar zawk a, hei vang hian thutlukna siam hi a ngai a ni. Inbiakrawnna ṭha tak kan neih hnuah titawp tur hian thutlukna kan siam ta a ni," a ti.

Meghalaya sorkar hian he project kalpuina tur hian midang thawhpui dan kawng pawh a dap a, mahse an duhna ang chhanna an hmu thei lo a ni.