Tripura-a ganja chinna hmun tichhia

Tripura police leh Border Security Force (BSF) chuan Tripura-a hmun pathumah ganja chinna hmun a tichhia a, ganja an tihchhiatte hi kung 80,000 chuang an tling.

Dumarghat SDPO Kamal Debbarma, Dy SP (Prob) Utpalendu Debnath, Pecharthal Police Station officer leh staff bakah, 8 Battalion TSR mi leh sate hian Unakoti district-a Kamarghat sub-division huam chhunga beihpui an thlaknaah, ganja kung 20,000 vel an tichhia a ni. Hei bakah Sepahijala district-a Gajeria leh Ganiyamara khuaah ganja kung la puitling lo 31,500 tichhe bawkin, he district veka South Kalamchoura khuaah kung 30,000 vel an tichhe bawk.

Kumin chhungin Sepahijal district bikah ganja kung hi 6,09,400 zet tihchhiat a ni tawh. BSF hian ram acre 15 vela zaua ganja chinte an lo thianfai tawh bawk a ni.

Law enforcement agency-te chuan Tripura chu ruihhlo laka fihlim state nih tir tumin beihpui an thlak ngawrh hle. State chhunga ganja chinna hmun hrang hrang pawh dap chhuah a, tihchhiat zel an tum.