Assam-ah 'Chota cop' project kalpui dawn

Assam-ah zirlai naupangte hnena road safety chungchang inzirtirna, 'Chota Cop' project kalpuina turin Assam Transport Department hnuaia Lead agency on Road Safety leh Young Indians (Yi) Guwahati Chapter chuan thawkdun turin memorandum of understanding (MoU) an ziak.

MoU hi Thawhlehni khan Guwahati-a Transport Department Secretary office-ah ziah a ni. Lead Agency on Road Safety, Assam hotu leh addtional secretary Gaurav Upadhyay chuan hming an ziak. He hun hi ASTC managing director Rahul Chandra Das leh Young Indian, Guwahati Chapter member-ten an telpui bawk.

Young Indians hian kum 2018 aṭang khan Chota Cop hi a kalpui ṭan a, he project hmang hian naupangte hnenah road safety rules-te an hriatthiam theih dan zawnga zirtirna kalpuiin, awareness programme te an nei bawk. An programme hnuaiah naupangte chu road safety chungchang an zirtir mai bakah, an nu leh pate motor khalh dante an endik tir ṭhin bawk.