Manipur : Sorkarin NOC a pek loh avangin sikul 25-in CBSE affiliation an hloh

Manipur-a hill district pahnih, Kangpokpi leh Churachandpur-a school 25-te chuan Manipur sorkar aṭanga No Objection Certificate (NOC) an hmuh loh avangin Central Board of Secondary Education (CBSE) an zawmna an hloh.

CBSE affiliation hmu tur hian CBSE rules chuan state sorkar aṭanga NOC an neih tel a phut a ni. Hetih lai hian Kangpokpi district-a sikul 10 leh Churachandpur district-a sikul palite chuan thla ruk liam ta chhung khan CBSE affiliation hi an hmu thar thung a, hei hi nakkum April 1 aṭanga hman ṭan a ni ang.

Manipur education department chuan thla ruk liam ta chhungin eng sikul hnenah mah NOC hi an pe lo tih a sawi a, NOC hi state sorkarin a pek tur a nih lai a, an hriatpui loha hill district pahniha sikul 14-in CBSE affiliation an hmuh thar dan hi an hriatthiam loh thu an sawi. Mahse affiliation hmu thar zinga ṭhenkhatte hian zonal education officer hnen aṭangin NoC hi an hmu tih an sawi thung.