Assam : Ram mi dik takte chhungkaw hnenah ram pe dawn

Assam sorkar chuan cabinet meeting an neih zawh takah state chhunga ram mi dik tak, ram nei si lo, chhungkaw 1,500 chuangte hnena ram pekna tur an pawm. He hmalakna hnuaiah hian Assam district 13 chhunga chhungkaw 1,540 te chuan ram an dawng dawn a ni.

Assam sorkar hian Mission Basundhara 2.0 hnuaiah hian ram mi dik tak ni si a, chhungkua anga ram nei si lote tana ram pek chu an tum a ni a, heng chhungkua ram pek an tumte hi district 13; Dibrugarh, Tinsukia, Charaideo, Sonitpur, Lakhimpur, Dhemaji, Darrang, Bongaigaon, Biswanath, Goalpara, Nalbari, Hojai leh Bajali. district-a awmte an ni.

Hei bakah hian Assam cabinet chuan sorkar laipui hmalakna, Pradhan Mantri Awas Yojana (PMAY) anga Mukhymantri Awas Yojana scheme hmanga, in, nuai 1.3 sak an tum thu an puang bawk. Assam cabinet hian VGR/PGR ram atana reservation siam rawtna 197 an pawm thu leh hetiang zat vel tho hi district hrang hranga a ram mi chhungkaw tana ram an pek tur nen a inhen vel thu an tarlang bawk.