Nagaland : Wokha district-in kum 50 tlin an lawm

Nagaland-a Wokha district chuan Ningani khan Wokha public ground-ah kum 50 an tlinna lawmin, he hun hi deputy chief minister leh BJP legislature party leader, Yanthungo Patton chu chief guest niin hun a hmanpui a ni.

Patton hian thu sawiin, Wokha district siam a nih theih nana harsatna an hmachhawn te a tarlang a, Lotha aṭanga hruaitu hmasa te'n kum 1973-a Wokha district siam a nih theih nana an hmalakna a fak a, sub-division aṭanga district aṭanga hlan kai a ni ta chu lawmawm a tih thu a sawi bawk. He hunah hian Lotha Hoho chairman. Er. Mhondamo Ovung pawhin thuchah sawiin, Lotha Officers Association president, K. Libanthung Lotha leh MLA eng emaw zatin an telpui a ni.

Wokha district kum 50 tlin lawmnaah hian Senthan Cultural Group leh Longsa te aṭangin hnam hla an sak ngaihthlak a ni a, Thunglamo Ngullie leh Zareni C Kithan te an zai bakah Wokha khuaa mi, M. Rhonbemo Murry chuan Wokha district tana ṭawngṭaina a nei bawk a ni. Zing lamah jubilee lawmna puala siam lim chu Rev. Fr. C.T Varghese leh chief guest-te'n tlangzarhna hun an hmang bawk.