Assam : Thingpui ching ṭhin leh Adivasi hnamte tan reservation siam

Assam sorkar chuan sorkar hnuaia zirtirtu lak mek a nih laiin, Assam-a thingpui ching ṭhin hnamte leh Adivasi hnamte tan 3% reservation siam a nih tur thu an puang. State sorkar chuan reservation siam hi state mipui zawng zawngte, intluktlang leh tel ve an nihna entirna tur a nih thu an sawi.

Zirtirtu laka 3% reservation siam chungchang hi education minister, Ranoj Pegu chuan X-ah tarlangin, zirna huang chhunga mi tin tana hmun a awmzia lantirna a nih thu a sawi a, Assam department of school education hna lak mekah thingpui ching ṭhin hnamte tan 3% reservation siam a nih bakah Adivasi te tan OBC/MOBC hnuaia 27% reservation siam sa hnuaiah quota siamsak ve an nih tur thu hi a sawi a ni. Education minister hian sorkar thuchhuah tarlangin, reservation siam hian Department of elementary education hnuaia class 3 leh class 4 tana zirtirtu leh zirtir hna ni chiah lo thlenga a huam tur thu a sawi tel bawk a ni.