Assam : Journalist-te Nagaon DC ban phutin nuar

Assam-a journalist-te chuan Guwahati Press club-ah inhmu khawmin, Nagaon District Commissioner (DC) laka an lungawi lohna lantir nan Inrinni khan nawrh an huaihawt. Journalist-te hian Nagaon DC chu journalist pakhat, Dipankar Medhi kutthlakah an puh a ni.

Dipankar Medhi hian Nagaon DC hi hmeichhe pension hlawh dawng lote chungchangah zawhna zawt turin a hmu niin an sawi a, Medhi hian DC chuan kut a thlak thu leh, mawi lo taka a laka a chet thu a sawi a ni. He thil thleng avang hian journalist eng emaw zat chu Guwahati, Morigaon leh Nagaon-ah te inhmu khawmin nawrh an huaihawt nghal a, sorkar hnenah hian Nagaon DC laka rang taka action lak an phut thu an sawi. Journalist-te nawrhna hi Lachit Sena Assam te pawhin zawm vein, nawrh huaihawtnaa telte chuan he thil thleng chungchang chhui chiang vat tur leh, a ṭul anga Nagaon DC chu hrem turin sorkar an phut thu an tarlang.