Ram temple hlan niah zu zawrh khap dawn

Assam sorkar chuan January 22-a Ayodhya-a Ram temple hlan thianghlim a nih hunah Ram temple zahna lantir nan zu zawrh khap (dry day) a nih tur thu an puang.

Pathianni khan Assam sorkar hian cabinet meeting neiin, meeting neih zawhah hian tourism minister, Jayanta Malla Baruah chuan press mite hmaah thu sawiin, Ram temple hlan thianghlim ni serh nan January 22 chu zu zawrh phal loh ni a nih tur thu hi a sawi a ni.

Ayodhya-a Ram temple hlan thianghlim ni hi Prime Minister Narendra Modi bakah NDA rorelna state-a chief minister eng emaw zat chuan a hmunah an hmang dawn a, mi 6,000 chuang he huna tel turte tihchian tawh a ni.