ASTC-in electric bike taxi 'Baayu' tlangzarh

Assam sorkar hnuaia Assam State Transport Corporation (ASTC) chuan Bikozee nen ṭangkawpin, application kaltlanga hman theih tur, electric bike taxi service chu an tlangzarh thu an puang. Electric bike, taxi anga service turte hi 'Baayu' tiin a hming an phuah.

Baayu hi Guwahati-a kalpui tur niin, Assam transport minister, Primal Suklabaidhya chuan tlangzarh ni hian a vai liam. Baayu hi India rama sorkar laipui hmalakna tel lo, application kaltlanga hman theih electric bike taxi service hmasa ber a ni bawk.

Baayu hmang hian mi 5,000 tan eizawnna nghet siamsak theih beisei a ni a, tin, lirthei aṭanga carbon pek chhuah pawh kum khatah ton 29,000 zeta tihtlem theih beisei a ni bawk. Tuialhthei man atana sum sen ṭhin pawh electric bike hmang hian Rs. vbc 73 hum theih an beisei thu Assam transport department chuan an tarlang a ni.