Hmarchhak state an vannei -DoNER Minister

Ministry of Develop-ment of North Eastern Region (DoNER) minis-ter Dr. Jitendra Singh chuan hmarchhak state te chu an vanneih thu leh, kum lo kal leh zel turah India rama state hmabak eng tak nei an nih thu a sawi.

He thu hi Nilainia New Delhi-a India, Myanmar leh Bangladesh ten Sub Regional Cooperation semi-nar an neih tumin a sawi a ni. Singh chuan, hmar-chhakah hian leilung hau-sakna tam tak a awm a, hei hian nasa takin hma-sawn-na a thlen dawn a ni, a ti.

Dr. Jitendra Sing chuan sorkar laipuiin a kalpui mek “Act Eas policy" chungchang sawi chhuakin, a hlawhtlin theih nana pawimawh hmasa ber chu hmarchhak tih hmasawn a ni, a ti. Hmarchhak chu ramria awm a nih avangin inkal-pawhna kawngpui ṭha leh Airport changtlung tak din a ngai a, a bikin ramri hrula awmte ngaihpawimawh an ṭul a, ṭhenawm ramte nen kawng tam takah inanna an neih avangin ṭan lak a ngai a ni, a ti bawk.

Union Minister chuan, hmarchhak bialah hian DoNER ministry chuan hma nasa takin a la mek a, hei hian rah
ṭha a chhuah mek bawk tih a sawi. Kawng tam takah hmarchhak chuan hmasawnna hmel a hmu mek zel a, tunhnaia North-East festival hman a ni leh Sikkim chu India rama 'Organic state' hma-sa ber a puan a ni chu lawmawm a tih thu a sawi a ni.

Hmarchhak-ah hian leilung hausakna haichhuah loh eng emaw zat a la awm thu a sawi bawk a, hei hi hmarchhak tan mai nilo, India ram tana chhenfakawm tur niin DoNER minister Dr. Jitendra Singh chuan a sawi bawk.