AAPSU ten Diyun chhui chian phut

All Arunachal Pradesh Students’ Union (AAPSU) chuan Changlang district-a Diyun hmuna tharum thawhna thleng chu pawi an tih thu sawiin, state sorkar chu chhuichiang turin an ngen.

Thawhlehni khan Diyu-a Hajong refugee camp-ah buaina a chhuak a, Extra Assistant Commissioner (EAC) hriattir nghal a ni a, mi pahnih chuan hliamna tak an tuar a ni. Buaina hi a chhuah chhan tak hriat a nilo a, Chakma leh Hajong te inkara inrem lohna awm niin an tar lang, thil pawi zawk a thlen loh nan AAPSU chuan sorkar chu police dah belh turin an phut bawk.