Manipur : Bharat Jodo Nyay Yatra neihna tur phalsak lo

Manipur sorkar chuan Congress hruaitu, Rahul Gandhi-a'n Lok Sabha inthlanpui lo awm tur atana a inbuatsaihna pakhat atana a hmalakna, Bharat Jodo Nyay Yatra, Manipur aṭanga bul ṭan a tum chu phalna an pek theih loh thu an sawi.

Kea kal a, kawngzawha India state 14 fang tura ruahmanna Congress-in an siam, Bharat Jodo Nyay Yatra hi Manipur aṭanga January 14-a bul ṭan tum niin, Yatra hi Imphal East district-a Hatta Kangjebung-ah neih ṭan tum niin Congress hruaitute chuan an tarlang. Hemi chungchangah hian Manipur Congress president leh hruaitu hrang hrangte chuan Manipur chief minister N. Biren Singh chu a office-ah an hmu a, CM hian Manipur boruak thlirin Yatra nei tura phalna an pek theih loh thu a lo sawi a ni.

Manipur Congress president K Meghachandra chuan Manipur sorkar thutlukna chu pawi a tih thu sawiin, state sorkarin an beisei anga phalna a pek theih tak loh avangin Yatra bul ṭanna chu Thoubal district-a Khongjom-ah, mimal hmunhma aṭanga ṭan zawk an tum thu a sawi a ni.

Bharat Jodo Nyay Yatra hi All India Congress Committee (AICC) President Mallikarjun Kharge chuan a vai liam dawn a, March 20-ah tihtawp tur niin, hemi chhung hian state 14 tuam hman tum a ni. Yatra neih chhung hian kea kal leh bus-a kawngzawhte a awm dawn a ni.