Moreh khaw dinhmun thlithlaiin GOC spear corp-in tlawh

Manipur, Tengnoupal district-a Moreh khua chu Assam rifles hoin Spear Corp, General Officer Commanding (GOC), Lieutenant General HS Sahi, AVSM, YSM, SM chuan venhimna chungchang enin a tlawh.

GOC hian khaw chhunga pawl hrang hrangte kawmin a rang lama remna leh muanna neih a nih theih dan tur kawng zawngin hmalak dan turte a sawipui. Ministry of Defence for Manipur, Nagaland and Southern Arunachal Pradesh thupuangtu chuan Moreh tlawh a nih chhan chu a hmun ngei thil awmdan hre tura kal an nih bakah sipai hotute leh venhimna hna thawktute inkara thawhhona ṭha zawk siam tum an nih thu a tarlang. GOC hian Manipur-a venhimna hna thawk tura awm sipaite chu an hnathawh leh an thiltih avanga fakin, an inpekna leh an hnathawh avanga ram venhim a la ni chu lawmawm a tih thu a sawi a ni. GOC Lt. General, HS Sahi hian Red Shield division pawh a tlawh nghal bawk a ni.

Hetih lai hian Moreh-ah hian December 30-a helpawlin Manipur poplice commando leh Border Security Force (BSF) mi leh sate an kah aṭang khan boruak a la ṭha hleithei lo a, Thawhṭanni thleng khan inkahna a thleng a ni. Manipur CM, N.Biren Singh chuan security mite kaptu chu Myanmar aṭanga helpawl lo lutte an nih a rin thu a sawi ve bawk.