Assam : CM-in UCC chungchangah Gujarat leh Uttarakhand hnung an zui tur thu sawi

Assam chief minister Himanta Biswa Sarma chuan Uniform Civil Code (UCC) hman chungchangah Assam chuan Gujarat leh Uttarakhand hnungzuiin, heng state pahnihte'n an hman veleha hman ve nghal a nih tur thu a sawi.

CM hian state BJP unit meeting-ah he thu hi sawiin, Assam-in Uttarakhand leh Gujarat an ngaihchan thu hi a tarlang a ni. CM Sarma hian nikum November thla khan February 2024-ah Assam-ah UCC hman a nih tur thu hi a sawi tawh bawk a ni.

UCC hian India khua leh tui zawng zawngte chu dan inangkhat hnuaia phuar khawm a tum a, UCC hian mimal leh sakhua anga dan hrang neite pawh hman chhunzawm a phal dawn lo a ni. UCC hman chungchangah hian Prime Minister Narendra Modi pawhin India ram pumin dan inangkhat an neih chu ṭul a tih thu leh, dan pahnih nei chunga ram pakhat kal reng chu a rem lo tiin a lo sawi tawh bawk. Hetih lai hian union minister, SP Singh Baghel chuan nikum khan UCC hman chuan northeast a huam ve loh tur thu hi sawi thungin, northeast-a mihring chengte nungphung leh zia chu BJP kaihhruai sorkar chuan a zahsak thu a sawi a ni.