Assam-a district pathumin tuilian la tuar mek

Assam-a tuilian chuan ziaawm lam a pan zel a, mahse district pathum -Dhemaji, Lakhimpur leh Baksa te erawh chu tuilian hian a la chim chhunzawm zel a, mi 11,900 ten  harsatna an la tawk a ni. 

Lakhimpur chu tuilian tuar nasa ber niin mi 9,500 ten a nghawng mek a, Dhemaji-ah mi 2,100 leh Baksa-ah mi 300 ten tuilian hi an la tuar mek tih Assam State Disaster Management Authority (ASDMA) chuan a tarlang. 

Kuminah hian Assam-ah tuilian leh leitawlh avangin mi 138 in nunna an chan tawh a ni. Tun thlengin tuilian hian thingtlang khaw 28 leh thlai chinna ram hectare 1,535-a zau a la chim reng a, district pahnihah tuilian tuarte tan hian relief camp leh distribution centre pathum siam la niin, heng hmunah hian mi 136 an awm.