'Urban Forest' scheme atan AP khawpui Itanagar thlang

Union Ministry of Environment, Forest & Climate Change (EFCC) chuan 'Nagar Van' or 'Urban Forest' scheme kalpuina atan Arunachal Pradesh khawpui, Itanagar a thlang. 

'Nagar Van' scheme hi Ministry-in ram chhunga urban city 200-a public-private-partnership basis hmanga ram ngaw siamna atana a duan a ni. Hemi atana ram siam tur hung leh enkawlna atan ministry chuan cheng vaibelchhe hnih a pe dawn a ni. 

EFCC Minister Pra­kash Javadekar hoa vidoe conference kaltlanga meeting neihah hian chief minister Pema Khandu chuan an state-ah urban city pahnih, Itanagar leh Pasighat a awm thu leh sawiin,scheme kalpuina atan thlan Itanagar khaw­puiah hian 'Urban Forest' siamna turin ram hectare 20-a zau siam anih thu a sawi. 

CM Khandu chuan a kaihhruai state sorkarin environment and forest kaih­hnawiha cental scheme hrang hrang a kal­pui dante sawiin, school 100 chu  'School Nur­sery' scheme atana thlan a nih tawh thu leh, heng school-ah  hian zirlaite chuan an school compound chhungah anmahni ngeiin thing ṭiakte phunin an enkawl zui dawn tih a sawi a ni. Kum 2024-25 ah chuan he scheme kalpui­na atan hian school 5,000 thlan hman tum a ni, a ti.