Tripura-ah ASI zonal office sawn dawn

Archeological Survey of India (ASI) zonal office, Mizoram-a awm ṭhin chu Tripura-ah sawn a nih tur thu Tripura Tourism Minister, Sushanta Chowdhury chuan a sawi.

Chowdhury chuan,"Tripura-a ASI zonal office a awm theih nan hian chief minister, Dr. Manik Saha chuan a bei nasa em em a, tunah chuan ASI zonal office hi Tripura-ah a awm dawn ta a ni. Hemi chungchangah hian sorkar laipui hnenah pawh lehkha tihfel ngaite ka tifel vek tawh bawk a ni," tiin a tarlang. "Tripura hian khualzin hipna atana pawimawh em em, chhim lama Unakoti, Pilak-ah te, Boxanagar-ah te archeological site kan nei a, hengte hi ASI hnuaiah uluk taka enkawl a nih avangin state sorkar tan hmalak chhunzawm a har em em a ni. ASI zonal office Tripura-a a awm hunah chuan hmasawnna hna thawk tura phalna lak a awlsam tawh anga, rah ṭha zawk a chhuah ngei pawh kan beisei," tiin a sawi bawk.

Tripura assembly neih mekah tourism minister hian private member, BJP MLA, Swapna Majumder thu theh lut chungchang sawiin,"Asian Development Bank chuan state chhunga tourism hmunhma tihchangtlunna tur leh chei ṭhatna tur atan Rs. vbc 140 min pe dawn a ni. Pawisa tam zawk hi Unakoti tan hman a ni dawn a, hetih rual hian Kamalasagar temple te, Kasba temple tante pawh sum hi hman a ni ang," tiin a sawi.