Meghalaya-in jail tang 400 bail-in chhuah tawh

Meghalaya sorkar chuan Covid-19 a len hnuah state chhunga district panga jial-a tang zinga 400 chu bail-in a chhuah tir tawh. 

Supreme Court leh Meghalaya High Court-in hripui leng vanga jail chhung tawt lutuk tihziaawmna tura kaihhruaina an siam bawhzuiin, trial court chuan jail tang zinga thubuai nei mek ṭhenkhatte chu bail-in a chhuah tir a ni. 

Inspector General of Prison, M Kharkrang chaun jail tinah hian isolation cell pahnih zel siamin, pakhat hi jail lut tharte lo khung hran hmasakna atan hman a ni thu a sawi. An hriselna dinhmunte enfiah a, medicial officer-ten ṭha tawka an pawm  hnuah general ward-ah sawn an nih thu a sawi. Isolation cell pakhat chu jail tang zinga Covid-19 symptom neite dahna atan hman a ni a, tang dangte nena an inhmuh phalsak an ni lo.